رحلتي إلى دهب - دليلك للتحدي والمغامرة والمتعة في مدينة دهب

رحلة إلى مدينة دهب – شرم الشيخ – مصر

تمشية وغطس وشعب مرجانية وسفاري ومتعة كتير في 3 أيام…

دهب بتبعد فقط 100 كيلو عن شرم الشيخ، لكن الفرق ما بينهم وبين الأنشطة اللي ممكن تعملها في كل منهم كبير جداً

شرم الشيخ مدينة سياحية بالدرجة الأولى وكلها فنادق ومنتجعات منها اللي نجومة قليلة من نجمتين وحتى 5 نجوم، على عكس دهب اللي بتتميز بروح الطبيعة والمباني والشاليهات اللي بتتراوح بين دور لـ 3 أدوار بحد أقصى اللي هتشوفه في المدينة كلها

المقالة دي هتفيد لكل اللي بيسأل

اروح فين في دهب
ايه الانشطة اللي اعملها في دهب
أماكن السياحة في دهب
كافيهات دهب
دليلك في دهب

في دهب هتشوف الأسماك المرجانية وأنت على وش الماية، ولو عايز تغطس مفيش مانع حتى لو معندكش خبرة قبل كده، وكمان السفاري هناك حكاية، أما عن المحميات الطبيعية والكافيهات والمطاعم والفنادق البسيطة أحلى من الراقية، ومش هتحس فيها بأي حاجة ناقصاك بل على العكس مش ممكن هتاخد أجازة تاني غير في دهب.. يللا بينا نستكشف واحدة من أجمل المدن المصرية المذهلة .. دهب المذهلة 🤩 🏖

سافرت دهب قبل بداية عيد الفطر وقبل انتهاء رمضان مباشرةً

تحديداً يوم 4 يونيو 2019 و اتحركت من هناك للقاهرة السبت اللي بعده ع طول

هتلاقوا هنا مراجعة سريعة لكل اللي زورته .. لو حد محتاج أي أستفسار أو مساعدة أو حتى رقم حد من الأماكن اللي روحتها دي بس يكتب لي في كومنت 💪

تقييم الرحلة: رائعة

التكلفة: هتحتاج معاك حوالي ألف جـ لكل يوم وده هيكفيك كل حاجه .. أكل وشرب وإقامة .. لو محتاج توفر/أو تدفع أكتر هتقدر تعمل ده ولحد 500 جـ ف اليوم كمان وممكن أقل لو هتمسك نفسك في المصاريف أكتر

نصيحة عامة: بلاش تروحها في المواسم .. بسبب هتلاقي الأسعار غالية كـ إاقامة +زحمة شوية

أول يوم

وصلنا

قعدنا في كافية Planet cafe&restaurant

القعدة لطيفة والمشروبات سعرها مناسب .. بتبتدي من حوالي 20 جـ لحد 40 وفيه كمان وجبات وأكلات متنوعة مابين حاجات كتير .. و ممكن تقعد تشرب حاجه واحدة بس مفيش مشكلة..

اتغدينا في King chicken

King Chicken كينج تشيكن في دهب

وباليل متأخر جداً قعدنا في قعدنا في كافية على الممشى السياحي اسمه Nubian house وده بتاع ناس نوبيين لطاف جداً 💗 .. وبيشغلوا دايماً أغاني نوبية والمكان كله ديكور نوبي

تاني

روحنا بلو هول